Beint her: Nýtt føroyskt lag frá Dan Olsen

Argjamaðurin Dánjal Rói Olsen, sum spælir tónleik undir navninum Dan Olsen hevur givið úr sítt triðja lag á føroyskum.

Lagið, sum ber heitið "Beint her" varð givið út fríggjamorgunin saman við tilhoyrandi sjónbandalagi.

Dan Olsen greiðir frá, at lagið er ein áminning um at taka tað róligt og liva í nú'inum.

– Nógv av okkum hava ofta lyndi til at dvølja í fortíðini og/ella stúra fyri framtíðini. So hetta er ein lættur sangur og bara ein lítil áminning um ikki at gloyma at vera "beint her", sigur hann.

Sjónbandalagið sæst omanfyri.