Beistaðust á matstaði í Klaksvík og fóru gjøgnum rútin

Løgreglan varð í nátt boðsend til eitt matstað í Klaksvík, tí tveir mans bardust so illa, at teir duttu báðir ígjøgnum eitt stórt handilsvindeyga og endaðu uttanfyri. Tað sigur vakthavandi á løgreglustøðini. 

Teir vóru tó so mikið hepnir, at eingin teirra kom til skaða, og talan verður ikki um nakað harðskapsmál, sigur vakthavandi.

Teir fáa tó bót fyri at bróta politiviðtøkurnar og verða eisini noyddir at gjalda fyri brotna handilsvindeygað.