Bert ein loyvi at sita á knallertini

Klokkan 19 í gjár var løgreglan har norðuri í Eysturoynni og helt eyga við ferðsluni.

Vaktleiðarin á løgreglustøðini sigur, at fólk vóru fyrimyndarlig í ferðsluni, tó at tveir persónar fingu bót.

Talan var um eina knallert, har tvey fólk sótu á, og sum koyrdi ov skjótt. Løgreglan steðgaði knallertini, og førarin varð skuldsettur. Hin persónurin á knallertini varð eisini skuldsettur, tí at bert ein persónur hevur loyvi at sita á eini knallert.