Betri Banki hækkar inn- og útlánsrenturnar

Higartil í ár hevur Danski Tjóðbankin hækkað rentuna í tveimum umførum við samanlagt 0,85%-stigum. Hetta verður gjørt fyri at tálma eftirspurninginum eftir vørum og tænastum og harvið minka um inflasjónina.

Rentuhækkingarnar hava við sær, at Betri Banki eisini hækkar inn- og útlánsrenturnar.

Fyri privat hækka renturnar soleiðis:
• Innlánsrentur hækka við upp til 1%-stigum.
• Útlánsrentur hækka við upp til 0,3 %-stigum.

Fyri vinnukundar hækka renturnar soleiðis:
• Innlánsrentur hækka við upp til 0,75 %-stigum.
• Útlánsrentur hækka við upp til 0,5%-stigum.
Broytingarnar koma í gildi tann 1. mai.

Til ber at kunna seg um renturnar í Betri Banka á betri.fo/rentur.

Betri Banki