Bilførari tikin í Søldarfirði í nátt

Vakthavandi á løgreglustøðini sigur í morgun, at náttin hevur verið sera friðarlig sum heild. 

Løgreglan var tó úti í nátt og gjørdi kanningar. 

Ein bilførari varð steðgaður í Søldarfirði, tí løgreglan hevði mistanka um rúsdrekkakoyring. 

Bilførarin blásti, og mistankin vísti seg at passa. Hann varð tí koyrdur til Klaksvíkar at taka blóðroyndir og verður skuldsettur fyri rúsdrekkakoyring.