Bilur fór á glið í Streymoynni

Um klokkan trý seinnapartin í gjár var eitt ferðsluóhapp í Streymoynni.

Talan var um ein bil, sum var farin á glið í hálkuni á vegnum við Sornfelli.

Sambært vakthavandi á politistøðini í Havn, endaði bilurin við at liggja soleiðis, at aðrir bilar ikki sluppu framvið, og neyðugt var at senda boð eftir Tórshavnar kommunu at salta vegin.

Vakthavandi leggur afturat, at eingin fekk nakran skaða.