Bilur út av vegnum

Ein bilur koyrdi av vegnum norðan fyri Kollafjørð um seks tíðina í morgun. Helst hevur tað víst seg, at bilurin er komin ov langt út í vegjaðaran, og førarin hevur síðan mist tamarhaldið á bilinum, sum rendi niðan av vegnum, upplýsir vaktleiðarin á politistøðini.

Ein løgreglumaður, sum eisini var á veg til arbeiðis um sama mundið, kom fram við óhappsstaðið, og tók sær av málinum.

Bilførarin tyktist ikki at hava fingið álvarsligan skaða, men av trygdarávum var sjúkrabilur sendur á staðið.

Boð eru eisini send eftir kranabili, sum kann taka sær av bilinum. Óhappið hevur ikki havt ávirkan á ferðsluna í morgun, upplýsir vaktleiðarin.