Bingjuskip rent seg fast við nýggja grótkastið

Eftir øllum at døma hevur eitt bingjuskip rent seg fast við nýggja grótkastið í sambandi við útbyggingina av Tórshavnar Havn.

Talan er um skipið Perseus, og at síggja til er okkurt gingið galið, tá teir skuldu leggja at í kvøld.

Vakthavandi á Tórshavnar Havn fær ikki sagt so nógv í løtuni, men sigur, at ein loðsur er á veg út til skipið.