Bitcoin setur met eftir met

Prísurin á einari bitcoin hevur í morgun verið omanfyri 118.000 amerikanskar dollarar - ella umleið 753.000 danskar krónur. Hetta er met fyri kryptogjaldoyra.

Vøksturin kemur frá øktum eftirspurningi frá íleggjarum og eisni kryptovinarligur poltikkur frá Trump-umsitingini, skrivar Reuters tíðindastovan.

Donald Trump, amerikanskur forseti, skrivaði í mars undir eina fyriskipan at seta á stovn eina neyðgoymslu av kryptogjaldoyra.

Prísurin á bitcoin hevur ligið um 100.000 dollarar seinasta mánaðin.