Bjargaðu tveimum fólkum úr fjøllunum

Í tveimum førum var í gjár neyðugt at bjarga fólkum úr fjøllunum.

Eftir døgurða vóru boð um, at eitt fólk til gongu í einum ferðalagi millum Trøllanes og vitan á Kallinum var gliðin og fingið skaða í beinið.

Tyrlan var eftir fólkinum og flutti tað á Landssjúkrahúsið.

Um 16 tíðina varð ringt úr Tjørnuvík, har ein kvinna var dottin í haganum. Umleið 200 metrar úr bygdini. Hon hevði brotið beinið, men neyðugt var ikki við tyrlu. Kvinnan varð borðin oman í bygdina og koyrt á Landssjúkrahúsið.