Bjørn á Heygum: Eingi boð komin frá Magna Laksáfoss

- Tað er onki dulsmál, at vit hava tosað við Magna Laksafoss, sigur Bjørn á Heygum, formaður í Suðurstreymoyar Sjálvstýrisfelagi. Hann sigur, at tað nú er upp til Magna Laksafoss at avgerða, um hann hevur hug at stilla upp fyri flokkin. Magni Laksáfoss segði sjálvur í gjár, at hann ikki hevði tikið nakra støðu til málið enn. 

Les eisini: Magni Laksáfoss ikki tikið støðu enn 

Bjørn á Heygum váttar, at tað er rætt, at Jógvan Skorheim ikki ynskir at fáa Magna Laksáfoss á listan, men hann staðfestir eisini, at tað ikki er upp til floksformannin í síðsta enda. 

- Valfeløgini gera eitt tilmæli, sum landsnevndin síðani skal góðtaka. So tað er ikki Jógvan Skorheim, sum einsamallur fer at avgerða, hvør stillar upp fyri flokkin, sigur Bjørn á Heygum at enda.