Blákollan á Oyri høvuðsumvæld

Sunda kommuna boðar frá, at høvuðsumvælingin, sum umsjónarmenn hjá kommununi seinastu tíðina hava framt, nú er liðug.

Talan er um bygningin á Oyri, har dagtilhaldið Blákollan, Gigni og Økispsykiatriin halda til, og arbeitt hevur verið m.a verið við at klæða, bjálva og skift vindeygu. Suðursíðan, framsíðan, altanin og annað er gjørt í stand. Ætlanin er eisini at skifta takið og gera ovaru síðu av bygninginum.

Kommunan fegnast um, at eldru borgararnir, Heilsusysturin og Økispsykiatriin nú hava fingið munandi betri hølisviðurskifti at húsast í.