Í einum strekki upp á 400 metrar frá tunnilsmunnanum kollafjarðarmegin og inn, var nógvur oljuluktur og vánaligt sýni í Kollafjarðartunlinum.
Tí var tunnilin stongdur eina løtu seinnapartin. Útsúgvingin riggar ikki, sigur Árni Jacobsen, økisleiðari hjá Landsverki, við útvarpið.
- Vit máttu fáa ein blásara frá sløkkiliðnum í Klaksvík til at blása alt ígjøgnum, so koyrast kundi aftur, sigur hann.
Ein gravmaskina er farin í gjøgnum, og tað er helst tað sum er orsøkin til at so nógv gass og luktur var. Stilt er í veðrinum, og tí mátti ein blásari til.
Økisleiðarin veit ikki nær útsúgvingin fer at rigga aftur. Tað er ein leiðslu og pengaspurningur.
Vinarliga broyt tínar kennifíla - og privatlívsstillingar fyri at síggja hetta innihald