Bodø skal avloysa á suðuroyarleiðini

Strandferðslan hevur mælt landsstýrismanninum til, at bæði Herjólfur og norska ferjan, Bodø, fara at røkja suðuroyarleiðina tá Smyril skal skifta tveir hjálparmotorar í næstum.

Hetta veit útvarpið í kvøld.

Stjórin á Strandferðsluni sigur at samráðingar eru við reiðaríini sum eiga ferjurnar.

Herjólfur siglir longu frammanundan á suðuroyarleiðini, meðan Bodø siglir á Lofoten-leiðini. Bodø tekur 400 ferðafólk og 125 bilar.

Málið skal umrøðast á landsstýrisfundi í næstu viku, skrivar kvf.fo.