Borgarafundur um ferðavinnuætlan í Nes kommunu

Nes kommuna hevur latið gjørt eitt uppskot til ferðavinnuætlan, og mánadagin í komandi 12. januar verður tað lagt fram á borgarafundi.

Borgarafundurin verður í nýggja Undirhúsinum á Toftum mánakvøldið 12. janaur klokkan 19.30.

Tað er umráðandi, at allir borgarar í Nes kommunu hava høvi at gera viðmerkingar og sína ávirkan galdandi, skrivar kommunan í tíðindaskrivi.

Skráin fyri fundin er soljóðandi:

• Ferðavinnubólkurin í Nes kommunu leggur fram uppskot til ferðavinnuætlan
• Høvi verður at seta spurningar og gera viðmerkingar
• Kaffi og prát