Borgarar vælkomnir at fáa sær træspónir

Vágs kommuna keypti í fjør ein træspónara / flismaskinu. Træspónarin verður nógv brúktur og nøktar tørvin á træspónum, sum kommunan brúkar á grønu økjunum.

Seinastu dagarnir hava starvsfólk hjá kommununi spóna trø og runnar, sum eru savnaðir saman við Tormansá (har greinar og runnar skulu leggjast). Træspónir eru í posum og eru borgarar í Vágs kommunu vælkomnir at fáa sær træspónir, skrivar kommunan á heimasíðuni.