Borgarstjórin í Vága kommunu stillar upp til komandi valini

Eyðdis Hartmann Niclasen, borgarstjóri í Vága kommunu, stillar upp til fólkatingsvalið og løgtingsvalið. Tað varð kunngjørt á tíðindafundi hjá Sambandsflokkinum í morgun.

Eyðdis Hartmann Niclasen hevur verið borgarstjóri í Vága kommunu síðani januar 2017. Hon stillaði upp til kommunuvalið í 2016 og fekk 55 atkvøður.

Við jn.fo sigur borgarstjórin, at hon er eitt “barn” av ríkisfelagsskapinum og tí hevur hon valt at stilla upp fyri Sambandsflokkin.

Sambandsflokkurin legði sína valskrá fram, og kunngjørdi valevnini til fólkatingsvalið í morgun.