Børn savnaðu meira enn 6000 krónur til Barnabata

“Dagstovnurin Hans Andrias Djurhuus” handaði í dag Barnabata eina brævbjálva áljóðandi 6440 krónur.

Børnini á dagstovninum hava selt ymiskar heimagjørdar lutir við tí endamáli at stuðla átakinum Í Menniskjum Góður Tokki. 

Dagstovnurin leggur dent, at kunna børnini um, at ikki allar familjur í Føroyum hava tað gott, og av berum eldhuga fóru tey í gongd við at savna pening inn.

- Hetta fer vónandi at elva til ringvirkningar sigur Steinbjørn V. Olsen, leiðari.

Allur peningurin fer óskerdur til familjur, ið søkja jólahjálp.