Børnini fingu árshald av Píka7

Sunda kommuna vil fegin stimbra málmenningina hjá smæstu borgarunum, Býráðið hevur tí gjørt av at lata øllum børnum í 1.flokki og 4. flokki eitt árshald av barnablaðnum Píka7.

Í februar fingu tey so fyrsta blaðið sum er ein málmenningargáva, sum vónandi kann skapa varandi lesigleði og hjálpa til at broyta hugburðin til lesing. Blaðið hevur dygdargott, stuttligt og spennandi tilfar til børnini, og tað speglar gerandisdagin hjá føroyskum børnum.