Innanlands

BR farið á húsagang - ávirkar ikki føroysku handlarnar

Teir báðir BR-handlarnir í Føroyum halda fram sum einki var hent

(Mynd: BR Leikur)

(Mynd: BR Leikur)

2018-12-28 19:52 Author image
Sverri Egholm
placeholder

Katastrofal jólasøla merkir at Top-Toy, sum rekur leikuhandlarnar BR og Toys’R’Us í Norðanlondum er farið á húsagang. Tað skrivar felagið í einari fráboðan, skrivar Danmarks Radio.

Tað merkir, at 2000 fólk missa sítt starv, og at felagið nú er farið í skiftirættin.

Orsøkin er millum annað, at børn í dag velja digitala heimin heldur enn leikur, men vantandi netsøla er eisini ein av orsøkunum, skriva danskir miðlar.

Hetta ávirkar tó ikki stórvegis teir báðar føroysku BR-handlarnar í SMS og á Hálsi. Handlarnir hava keypt vørur frá Top-Toy, og mugu nú keypa inn aðrastaðni. Men annars ávirkar tað ikki nakað, upplýsir Bárður á Steig Nielsen, nevndarformaður í føroyska BR, fyri útvarpinum.

Hann sigur, at tíðin má vísa, um handlarnir skulu skifta navn.

placeholder
placeholder