Bragdið fleiri góð úrslit á Tårnby Games

Bragdið hevur, eins og Hvirlan, fleiri góð úrslit at vísa á frá Tårnby Games, sum varð hildið í Danmark um vikuskiftið. Fleiri av íðkarunum hjá Bragdinum settu met og bólkamet.

Fyri at taka okkurt fram um annað, eru tvey føroysk met sett og Elisbet Holm Simonsen eigur bæði tvey. Leygardagin setti hon føroyskt met á 100 m við tíðini 13.01 og í dag, sunnudag, hevur hon megnað at seta føroyskt met í longdarlopi, tá hon leyp 5.11 m, skrivar Bragdið á heimasíðuni. Eisini rann Margit W. Frímundsdóttir 100 m og megnaði at koma undir tíðina á gamla føroyska metinum hjá Elisabet.

Tilsamans vann Bragdið 18 heiðursmerki: 8 gull, 9 silvur og 1 bronsa.

Les eisini: Góð úrslit á Tårnby Games