Alda Nielsdóttir
Búnaðarstevnan 2026 verður í Varpinum í Klaksvík leygardagin 14. februar.
Búnaðarstevnan er eitt afturvendandi tiltak, sum varpar ljós á menning og kunning innan føroyskan landbúnað.
Síðan 2014 hevur skipað verið fyri stevnuni á nærum hvørjum ári - undantikið 2016 og 2021, og er hetta 11. búnaðarstevnan.
Í ár er valár og tí ein góður møguleiki at seta fokus á fleiri viðkomandi viðurskiftir, har tann politiska skipanin má traðka til, skriva fyriskiparar í tíðindaskrivi.
Umframt kaffi og okkurt leskandi til góman ígjøgnum allan dagin, verður borðreitt við stórum fjølbroyttum miðmála, har serligur dentur verður lagdur á føroyskt framleiddan viðskera.
Neyðugt er at boða frá og skráseta luttøku. Á heimasíðuni hjá Búnaðarstevnuni ber til at tekna seg til stevnuna og síggja skránna.
Vinarliga broyt tínar kennifíla - og privatlívsstillingar fyri at síggja hetta innihald