Bunkin av eykarokningum komin upp á 50 milliónir

Fyrst vóru tað 7 milliónir, síðani 14 milliónir, 30 milliónir og nú er bunkin av eykarokningunum fyri skúladepilin í Marknagili komin upp á umleið 50 milliónir.

Tað upplýsti Heðin Mortensen, samferðslumálaráðharri, fyri Degi & viku í kvøld.

Hjá Landsverki arbeiða tey nú við at gjøgnumganga allar rokningarnar fyri at fáa endaliga talið av kostnaðinum fyri Glasir.

Landsstýrismaðurin sigur, at nógvu eykarokningarnar stava frá avtalum, sum eru gjørdar á byggiplássinum.

Tær allarflestu rokningarnar eru komnar nú í desembermánað, sigur Heðin Mortensen við Dag & viku.

Um einar tvær til tríggjar vikur væntar Heðin Mortensen, at Landsverk hevur fingið endaliga greiði á kostnaðinum fyri skúladepilin.