Býarbussurin í Klaksvík koyrir ikki aftur fyrrenn eftir døgurða í morgin

Fyri løtu síðani boðaði Klaksvíkar kommuna frá, at vegna veður koyrir býarbussurin ikki meira í kvøld.

Tað er ógvuliga ringt veður, og sagt verður eisini frá heilt nógvum vindi í nátt og tíðliga í morgin.

Sambært klaksvik.fo kann ikki væntast, at koyringin verður tikin uppaftur fyrr enn klokkan 12.20 í morgin, mikudagin 8. februar. Um veðrið er batnað nóg mikið, verður koyrt  av Sandinum tá.