Býarmynd komin upp á pláss

Seinnapartin kom ein lastbilur við nýggju kioskini hjá Astu, og nú stendur hon og prýðir miðbýin aftur. Nú við fleiri rútum og meira upplatin enn áður.

Gamla kioskin hevur seinastu tíðina staðið í einari høll á Hjalla, meðan ein nýggj útgáva er gjørd av henni. Tað má sigast at hava eydnast væl, og kioskin tekur seg væl út á Vaglinum.

Gist & Vist hevur keypt kioskina, og skal reka hana framyvir.

Í morgin klokkan 15 verður hátíðarhald á Vaglinum.