Cruiseskip í havsneyð í Noregi

Cruiseskipið Viking Sky er í havsneyð við Romsdal í Noregi, har talan er um ringan storm. 1300 ferðafólk eru umborð, og tey verða nú flogin í land við Tyrlu. Tað skrivar VG.no. 

Skipið hevur trupulleikar við motorinum og hevur rikið ímóti landi. Men seinasta hálva tíman hevur skipið ligið stilt, tí akkerið er slept. 

Eitt eygnavitni sigur við VG.no, at skipið hellur illa, men at støðan er betri nú, enn hon hevur verið. 

Myrkabláa skipið miðskeiðis í myndini er Viking Sky (Mynd: Marine traffic/Skýggjamynd)