Danska loftúmið stongt fyri sivilum dronum í komandi viku

Í komandi viku verður loftrúmið hjá Danmark stongt fyri sivilari dronuflúgving.

Hetta boðar danska samferðslumálaráðið frá, eftir at fleiri hendingar við illgrunasamum dronuvirksemi hevur verið í Danmark seinastu dagarnar.

Tað verður galdandi frá í morgin, 29. september fram til fríggjadagin 3. oktober.

Orsøkin er, at Danmark í komandi viku er vertur fyri ES-toppfundi.

– Vit kunnu ikki góðtaka, at fremmandar dronur skapa ótryggleika og órógv í samfelagnum, sum vit hava upplivað seinastu tíðina, sigur danski samferðslumálaráðharrin, Thomas Danielsen í tíðindaskrivi í dag.