Danskt verjuskip sleipar stórhvalin

Deyði stórhvalurin, sum varð sæddur í Nólsoyarfirði í morgun, verður nú sleipaður út á opið hav. Danska verjuskipið Ejnar Mikkelsen var har á leiðini, og er nú í holt við at sleipa hvalin, har hann við tíðini rotnar burtur.

Hvalurin er mettur at vera einar 20 metrar langur, og hevur helst ligið og rotnað í nakrar vikur, segði MRCC við útvarpið á middegi.

Stórhvalurin varð funnin millum Tjørnunes og Glyvursnes beint eftir klokkan átta í morgun.