Dátueftirlitið: Viðkvæmar persónupplýsingar lagdar út á Facebook

Í november í fjør fekk Dátueftirlitið fráboðan um, at eitt starvsfólk hjá einum almennum stovni av misgáum hevði lagt upplýsingar um ein borgara út á sín privata Facebook vanga.

Talan var um eina fundarfrásøgn frá einum fundi við viðkomandi borgara. Fundarfrásøgnin hevði ymsar viðkvæmar upplýsingar um borgaran. 

Greitt var frá, at viðkomandi starvsfólk hevði ætlað at senda sær sjálvum skjalið umvegis Facebook Messenger, men hevði av óvart lagt skjalið út á vangan í staðin, skrivar heimasíðan hjá Dátueftirlitinum.

Trygdarbrotið er sera álvarsamt og átaluvert, sigur Dátueftirlitið, sum gav stovninum kravboð um at tryggja, at trygdartiltøkini viðvíkjandi viðgerð av persónsupplýsingum, eisini umfata nýtslu av sosialum miðlum.

Les meira her.