Do What Makes You Smile: Nýtt lag frá Dan Olsen

Nú er aftur nýtt tilfar frá argjamanninum Dan Olsen.

Fríggjadagin gav hann út nýtt staklag, ið kallast "Do What Makes You Smile" (Ger tað, sum fær teg at smílast, red.), og í morgun kom út tilhoyrandi sjónbandalag.

Dan Olsen greiðir soleiðis frá:

– Írin, Conor McQuaid, og eg skrivaðu lagið herfyri. Vit hugsaðu, at aftaná alt, sum vit hava verið í gjøgnum seinastu tíðina, kundi verið gott at fáa ein jaligan boðskap út: "ger tað, sum fær teg at smíla".

Tað mesta av sjónbandalagnum, sum sæst omanfyri, er tikið upp í London, men upptøkur eru eisini gjørdar í Írlandi og Fraklandi.