Mentan

Dokumentarsendingin "Kongshúsið í Føroyum" víst í kvøld

Í sendingini vitjar krúnprinsurin í Føroyum, har hann hittir ymisk kend andlit, og eisini fer Margreta drotning at greiða frá søguligu bondunum til Føroyar – Sendingin sæst longu á DRTV, og í kvøld sæst hon á DR1 kl. 19, og á KvF kl. 20

(Mynd: Morten Krüger/Kongshúsið)

2021-05-24 09:53

Alda Nielsdóttir

Í kvøld vísir Danmarks Radio nýggju dokumentarsendingina "Kongehuset på Færøerne", har Fríðrikur krúnprinsur og Margreta drotning fara at greiða frá um Føroyar.

Í sendingini vitjar krúnprinsurin í Føroyum, har hann m.a. hittir Michelin-kokkin Poul Andrias Ziska, listamannin Tróndur Patursson og songkvinnuna Greta Svabo Bech.

Upptøkurnar við Margretu drotning, har hon greiðir frá søguligu bondini til Føroyar, eru gjørdar á Fredensborg slotti.

Sendingin er fyrsti partur av tveimum um kongshúsið, Føroyar og Grønland. Fyrsti partur varð tikin upp í Føroyum í august 2019. Annar partur snýr seg um Grønland, og sambært Facebook-síðuni hjá kongshúsinum eru upptøkurnar í Grønlandi útsettar til næsta ár.

Sendingin verður at síggja á DR1 klokkan 19, og klokkan 20 verður sendingin eisini víst á KvF við føroyskum teksti. Til ber tó longu at síggja sendingina á DRTV.

Vinarliga broyt tínar kennifíla - og privatlívsstillingar fyri at síggja hetta innihald