Ingi Samuelsen
Borgarar í Runavíkar kommunu mugu bíða heilt til seinnapartin fríggjadagin fyri at fáa at vita, um tað verður umval til Runavíkar býráð komandi týsdag ella ikki.
Føroyar rættur hevur í dag viðgjørt eitt rættarmál, sum skuldi taka støðu til, um valið møguliga skal avlýsast.
Men eftir rættarfundar í útvið fýra tímar fyrapartin gjørdist greitt, at dómarin bíðar til fríggjadagin klokkan 14 at kunngera sína avgerð.
Les eisini: Royna at fáa rættin at støðga umvalinum
Tað eru fimm býráðslimir í Runavíkar kommunu, sum hava stevnt Fíggjarmálaráðið og avgerðina hjá táverandi Løgmálaráðnum um at ógilda kommunuvalið í Runavík í november í 2024.
Harumframt ynsktu býráðslimirnir eisini at støðga ætlaða valinum 13. januar til stevningin er endaliga avgreidd í Føroya rætti.
Dómarin í málinum bað um umhugsunartíð til fríggjadagin klokkan 14 av taka støðu til, um valið skal støðgast ella ikki.
Meira seinni
Vinarliga broyt tínar kennifíla - og privatlívsstillingar fyri at síggja hetta innihald