Drongur tikin fyri at koyra alt ov skjótt á prutli

Tað hevur verið grýlukvøld ymsastaðni, og tað vóru rímiliga nógv fólk í býnum í nátt, upplýsir vakthavandi á løgreglustøðuni í Havn. Nøkur hava klagað um gang og prutl sum larma, men bert eitt mál hevur verið. 

Ein lítil knallert var steðgðað í Havn fyri at koyra yvir 70 km/t. Hon varð tikin, so tað verður kannað nærri, um nakrir ólógligir lutir eru á.  

Tann ungi drongurin ið koyrdi fær bót og missir koyrikort til knallert/prutl. Foreldrini vóru eisini kunnaði av løgregluni, tí talan var um persón undir 18 ár.