Dýrasti køkur í Føroyum nakrantíð

Hann kostar smáar 7.449.047,00 krónur og skal vera liðugur 1. november í ár.

Talan er um nýggja stórkøkin til H-bygningin á Landssjúkrahúsinum. Landsverk og veitarin, P/F Leif Mohr, undirskrivaðu sáttmálan í dag.

Landsverk sigur, at hetta er størsti sáttmáli, sum er undirskrivaður í Føroyum nakrantíð innan stórøkar.

Stórkøkurin kemur at veita mat til allar sjúkrahús bygningarnar, umframt at veita mat út av húsinum.

Stórkøkurin kemur millum annað at hava hetta í boðið: Framleiðslukøk, serveringskøkar, bakarí, goymslur, frysti og kølirúm, stóruppvask, serveringsdisk, salatbar og gjaldsterminalar.