Innanlands

Ein hvirla tók bussin av vegnum

Tvey ferðafólk vóru við - sum skilst er ongin fólkaskaði

2019-01-07 13:54 Author image
Ingi Samuelsen

Ein bussur hjá Bygdaleiðum varð tikin av vegnum í Hovi í nógva vindinum í dag.

Tað var um hálvgun tvey tíðina, at boðini komu um at ein bussur var fokin oman av vegnum nærhendis miðnámsskúlanum.

Umframt bussføraran vóru tvey ferðafólk við bussinum, upplýsir vakthavandi á politistøðini.

Tey vita ikki nærri umstøðurnar enn. Løgregla var send á staðið og eisini ein sjúkrabilur fyri at binda um heilan fingur. Men á politistøðini hava tey ikki frætt nakað um, at fólkaskaði er hendur.

Tað er ikki so langt síðani seinast, at ein bussur hjá Bygdaleiðum var tikin av vegnum í vindi á nærum sama stað. Les: Hvirla tók buss í Hovi

placeholder
placeholder