Ein nýggjur tilburður í gjár

Í gjár varð ein nýggjur smittutilburður staðfestur, og talið á smittaðum í løtuni er nú aftur komið upp á 14.

Talan er um ein persón, sum er partur av kendari smittuketu, skrivar corona.fo.

Tilsamans eru nú 776 persónar staðfestir smittaðir við koronu í Føroyum. 761 persónar eru síðani staðfestir frískir aftur, og ein persónur er deyður við koronu í Føroyum.

944 kanningar vórðu gjørdar seinasta samdøgrið, og tilsamans eru nú gjørdar 309.034 kanningar.