Agnar Prestá
Løgreglan hevði í gjár eitt mál um rúsdrekkakoyring. Tað var ein bilførari í Eysturoynni, sum hevði valt at fara at koyra, hóast viðkomandi eftir øllum at døma hevði drukkið.
Bilførarin varð støðgaður, tá hann koyrdi við Skálafjørðin seint seinnapartin. upplýsir vaktleiðarin á løgreglustøðini í høvuðsstaðnum. Viðkomandi blásti, og tað vísti eina promillu.
Nú verður bíðað eftir svarið frá blóðroynd. Um royndin endaliga prógvar rúsdrekkakoyring, fær persónurin revsing - alt frá bót til fongsulsrevsing - tað veldst um, hvussu høgt talið er.
Takpláta og klædningur
Tað var nógvur vindur ymsastaðni í landinum seinnapartin í gjár, og løgreglan fekk tvær fráboðanir um vind. Í báðum førum varð ringt úr Suðuroynni.
Talan var um ávvíkavist eina takplátu og ein klædning, sum vóru losnað og farin á flog í vindinum. Tað hendi tó tíbetur ikki nakað álvarsamt í hesum sambandi, og veðrið batnaði út á kvøldið.
Vinarliga broyt tínar kennifíla - og privatlívsstillingar fyri at síggja hetta innihald