Eingin fekk skaða í ferðsluóhappinum

Eitt ferðsluóhapp var í gjár beint áleið kl. 15:30 við omankoyringina til Eysturoyartunnilin Streymoyarmegin. Ein bilur fór av vegnum, koppaði og endaði við at liggja á liðini.

Tað ljóðaði ógvusligt tá løgreglubilar og tveir sjúkrabilar vórðu sendir á staðið, og vaktleiðarin á løgreglustøðini segði í gjár, at eini tvey ella trý fólk vóru í bilinum.

Men tíbetur stóðst eingin fólkaskaði í óhappinum. Av løgreglustøðini verður sagt í morgun, at øll sum vóru í óhappinum hava tað gott. Bilurin fekk tó nakað av skaða.