Eingin handtøka í nátt

Tað var fínt veður í nátt, og nakað av fólki vóru úti.

Vakhavandi á løgreglustøðuni upplýsir, at tað hevur verið nakað av stríðið við fullum fólki ymsastaðni í Føroyum. Nøkur hava skapt trupulleikar við síðum atburði, og nøkur skuldu hjálpast, tí tey vóru ov ávirkaði. 

Tríggar ferðir noyddist løgreglan at skilja fólk sundur, sum vóru farin til hendurs. Talan varð tó ikki um nakra handtøka ella skuldseting fyri nakað.