Eitt klipp og ein treytað frádøming

Fyrrapartin í gjár var løgreglan úti og kannaði ferðsluna við Norðskála og Oyrarbakka.

Kannað varð m.a., um bilførarar koyrdu ávirkaðir. Ein rúgva av bilum vórðu steðgaðir millum klokkan umleið 10 og 11.30, men eingin var tikin fyri at koyra ávirkaðir, sigur vaktleiðarin á løgreglustøðini í Havn.

Tvey mál vórðu kortini skrivað.

Ein bilførari varð tikin fyri at tosa í fartelefon, meðan hann koyrdi, og tað gevur eitt klipp í koyrikortið.

Ein annar bilførari fekk treytaða frádøming fyri at koyra munandi skjótari, enn loyvt er. Viðkomandi koyrdi 87 kilometrar um tíman í einum øki, har mest loyvda ferðin er 60.