Eitt stig mótvegis føroyskari frálandakaving

Í gjár, leygardagin tók eitt toymi av føroyskum vinnukavarum fyrsta stigið mótvegis at kunna bjóða seg fram at veita frálandavinnum kavaratænastur.

Vinnukavararnir eru nevniliga farnir undir at eftirútbúgva seg í kaving við luftveiting frá vatnskorpuni. Tað skrivar Faroe Dive í kunningarskrivi.

Á myndini sæst ein av kavarunum taka seg upp á land eftir eitt væleydnað innleiðslukav við hjálmi og luftslangu.

Kavingin leygardagin varð avgreidd útfyri sleiðistøðini í Klaksvík og fingu kavararnir seg royndar við nýggjari útgerð.