Eldsbrunin verður kannaður í dag

Eldur var í einum sethúsum á Toftum í gjár. Løgreglan fekk fráboðanina um hálvgum fimm tíðina í gjár. Í dag verður orsøkin til eldsbrunan kannaður.

- Brandteknikararnir fara norður at kanna sethúsini í dag, verður sagt av løgreglustøðini.

Í gjár varð mett, at eldurin var kyknaður í einum rúmi á loftinum.

Vandi var ongantíð fyri heilsuskaða, tí at eingin var innin í húsinum, tá eldurin kyknaði.