Eldur í báti í Vestmanna

Leygardag seinnapart varð boðað frá, at eldur var í einum smábáti í Vestmanna.

Sløkkiliðið og løgreglan komu skjótt á staðið og fingu sløkt eldin.

Sambært vaktleiðaranum á løgreglustøðini í Havn, er ikki greitt, hví eldur kom í, men tað verður kannað.

Annars hevur hetta vikuskiftið verið sera friðarligt. Countryfestivalur hevur verið í Sørvági seinastu dagarnar, og har hevur tað sum heild verið friðarligt, upplýsir løgreglan.