Innanlands

Eldur í húsum í Havn í nátt

Ein kvinna gekk framvið og varnaðist eldin

Savnsmynd (Jens Kr. Vang)

Savnsmynd (Jens Kr. Vang)

2018-06-26 08:48 Author image
Oda Strøm
placeholder

Í morgun klokkan 5:45 varð boðað frá eldi í einum húsum í vesturbýnum í Havn.

Eldurin varð uppdagaður tilvildarliga, tá ein kvinna kom gangandi fram við húsunum og varnaðist eldin.

Sløkkiliðið og løgreglan komu á staðið og sóu, at eldur var kyknaður í einari sofu í húsunum, sum varð tveitt út gjøgnum vindeygað. Eldurin ikki hevði breitt seg, og tað var gott, tí ein maður lá og svav í einum kamari í húsunum.

Maðurin varð fingin út og sendur til kanningar á Landssjúkrahúsinum, men sambært vakthavandi á løgreglustøðini hevði hann ikki fingið royk niðurí seg og var ikki komin til skaða. 

Løgreglan veit ikki enn, hví eldurin kyknaði í sofuni. 

 

placeholder
placeholder