Eldur kom í sethús í Hoyvík

Sum vanligt var nógv fýrverk sent kring landið í gjár. Gamlaárskvøld varð tó tíbetur ikki merkt av skaðum, ið stóðust av hesum.

Tað komu tó eldur í eini sethús seinnapartin í gjár. Hetta var í Hoyvík, men tað var ikki orsakað av fýrverki.

Vaktleiðarin á løgreglustøðuni sigur, at eldurin kyknaði í einari grýtu. Talan var  mest um royk, og Tórshavnar Sløkkilið var skjótt á staðnum á fekk tamarhald á støðuni.

Fráboðanin kom klokkan 14.46, og tjúgu minuttir seinni var alt sløkt. Hóast tað var ógvuliga hált, og umstøðurnar at koma til skjótt ikki vóru góðar, spældi alt lutfalsliga væl av.