Eldur kom í summarhús á Sandi

Klokkan 18:15 fekk løgreglan í Havn fráboðan um, at eldur var í einum húsum á Trøðum heima á Sandi.

Sløkkilið var sent á staðið, og beint eftir klokkan 19 fekk løgreglan í Havn boð um at eldurin var sløktur. Húsini hava fingið nakað av skaða.

Talan er um eini summarhús, sum eru undir umbygging, og eingin var í húunum í kvøld, upplýsir vakthavandi á løgreglustøðini.

Fólk frá løgregluni verða send suður í morgin at kanna eldsbrunan nærri, so næstu dagarnar fæst helst meira at vita um orsøkina til eldin.