Mentan

Eli Smith sýnir fram í Gamla Seglhúsinum

Listaframsýingin letur upp í morgin, og fernisering verður klokkan 17. Har fer dupultkvartettin úr Ebenezer at syngja tveir jólasangir

Eli Smith hevur seinastu mongu árini nýtt náttúruna sum sína palett

Eli Smith hevur seinastu mongu árini nýtt náttúruna sum sína palett

2021-12-16 14:24 Author image
Agnar Prestá
placeholder

Frí í morgin, fríggjadagin 17. desember 2021 og umleið ein mánað fram sýnir Eli Smith fram í Gamla Seglhúsinum í Klaksvík

Byrjað verður við fernisering í morgin klokkan 17:00. Umframt lættari ábit og okkurt leskandi afturvið, bjóðar Símun Gullaksen vælkomin, og dupultkvartettin úr Ebenezer kemur at syngja tveir jólasangir.

Hesum boðar Gamla Seglhúsið frá.

- Eli Smith (f. 1955, Tórshavn) hevur síðan 2003 beinleiðis brúkt náttúruna sum sína palett, har ið hann fyri ein part málar við ymsum mjølvaðum náttúrutilfari -sokallaðir grótmálningar - og í næstu løtu sker grót í flísar til meira umfatandi brotamyndir (mosaikk). Tilfarið er bæði úr Føroyum og úr øllum heiminum, og tún listamansins er fult í søgum um sjómenn og onnur, sum hava borið honum fjaldar dýrgripir Skaparverksins. Myndevnini á grótmálningunum eru sum heild ekspressionistisk landsløg, meðan brotamyndirnar serliga fara í dýpdina við bíbilskum myndevnum. Listin stendur ongantíð í stað, og tíðum finnur Eli upp á aðrar nýggjar tøknir, sum eittnú at mála við vatnlitum oman á límað marmordrúss (steinakvarell).

Framsýningin, sum er ókeypis at vitja, hongur uppi til fram hálvan januar 2022.



placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder