Enn óvist hví eldur kom í bilin í Árnafjarðartunlinum

Klokkan var áleið 20.30 í gjárkvøldið, tá løgreglan fekk fráboðan um, at eldur var komin í ein bil í Árnafjarðartunlinum.

Tað hevði við sær ein stóran eld og nógvan royk í tunnlinum, ið varð stongdur til áleið klokkan eitt, upplýsir løgreglan. Tað gekk tó skjótt at sløkkja eldin og at fáa øll út.

Les eisini: Eldur kom í bil í Árnafjarðartunlinum

Tíbetur kom eingin til skaða. Seks fólk, tvey vaksin og fýra børn, vóru í bilinum, sum eldur kom í.

Bilurin varð uppkolaður, og nú er hann á Akstovuni, har tað skal kannast hví eldur kom í hann. Talan er um ein Peugeot 5008 frá 2011.