Innanlands

Eplafestivalurin útsettur vegna koronu

Av tí at fleiri tilburðir av koronu eru í Sandoynni í løtuni, og at nógv eru ávirkað av støðuni, er avgerð tikin um at útseta Eplafestivalin, sum skuldi vera á Sandi 2. oktober, til leygardagin 30. oktober

2021-10-01 12:45

Alda Nielsdóttir

Eplafestivalurin, sum skuldi vera á Sandi hetta vikuskiftið, er útsettur vegna koronu.

Tað boðar nevndin fyri Eplafestivalin frá í tíðindaskrivi.

Eftir ætlan skuldi festivalurin vera í morgin, 2. oktober, men nú er hann útsettur til leygardagin 30. oktober.

– Fleiri tilburðir av korona eru í løtuni í Sandoynni. Skúlar, barnagarðar og fleiri familjur eru ávirkaði av støðuni og nógv eru í sóttarhaldi. Fyrireikararnir harmast um støðuna, men vónandi fer at bera til at halda Eplafestivalin, sum nógv hava glett seg til, 30.okt, siga fyrireikarar í tíðindaskrivi.

Øll sum hava keypt atgongumerki, fáa tey endurgoldin, og nærri kunning við skrá kemur seinni í oktober.

Vinarliga broyt tínar kennifíla - og privatlívsstillingar fyri at síggja hetta innihald