Eplakrokettir afturkallaðar orsakað av mineralolju

Dagrofa Aps afturkallar frystar Gestus Eplakrokettir, sum eru seldar í føroyskum handlum.

Talan er um pakkar við 600 gram, sum eru bestir fyri 2. mai 2027.

Orsøkin til afturkallingina er ótilætlað dálking við mineralolju (MOAH) í sambandi við framleiðslu, skrivar Heilsufrøðiliga starvsstovan.

Lagt verður tó afturat, at eingin bráðfeingis vandi er við at eta tær.

– Borgarar skulu ikki stúra um teir hava etið vøruna nakrar fáar ferðir. Men fleiri MOAH-evni eru krabbameinselvandi og kunnu yvir tíð hava ein heilsuligan váða við sær.

Ráðini eru tí, at fólk lata eplakrokettirnar innaftur, har tær eru keyptar ella beina hana burtur.